Një tank, i quajtur zyrtarisht tank i mesëm i tipit M4,që është njohur më shpesh si M4 Sherman, i pagëzuar me këtë emër për nder të gjeneralit të luftës civile amerikane William Tecumseh Sherman, është vënë në shitje nga një shtëpi ankandesh.
Tanket Sherman ishin tanket më të zakonshëm që janë përdorur nga trupat e Shteteve të Bashkuara, si dhe nga trupat e tjera të shteteve aleate, gjatë Luftës së Dytë Botërore. Variant i tankut të shitur në ankand kohët e fundit nuk ishte vetëm Sherman.
Ai ka qenë si një racë ujqish të kryqëzuar teknologjikë pasi nuk ishte vetëm një Sherman M4, por ishte tanku i parë Sherman i prodhuar për luftën nga uzina Montreal Lokomotivë, e cila ka prodhuar në periudhën e luftës për ushtrinë kanadeze.
Ky tip tanku është i njohur në Kanada si “Grizzly I cruisers”. Nga ky tip tanku i modifikuar, sipas inventarit të mjeteve luftarake të prodhuara nga uzina në fjalë, mësohet se janë prodhuar gjithsej vetëm 188 copë. Ky tip tanku M4 u prodhua në Kanada në mes të viteve 1943 dhe 1944. Ofruesi privat e ka shitur tankun 155,000 $.
Në krahasim me sivëllain e vet amerikan, tanku kanadez, kishte një modifikim perfekt të avancuar të ajrimit dhe akomodimit krahasuar me tanket e tjera, çka e bëri tank Sherman më të besueshme dhe më të rehatshëm për të hipur në krahasim me tanket e mëparshme.
Në majë të kullës metalike të lëvizshme të tankut ndodhej një frëngji e blinduar, në të cilën ishte i instaluar një top i fuqishëm 75 mm. Të dy versionet e tankeve, si ato kanadeze ashtu edhe amerikane kishin motorë të fuqishëm 9 cilindërsh me rreth 350 kuaj fuqi motorike dhe mbanin zakonisht Brenda blindit radiale, pesë anëtarët e ekuipazhit.
Në foton e tankut kanadez që u shit, vihet re nga specialistët se ai, ndryshe nga varianti amerikan i tankut Sherman, i ka paretet metalike anësore të blinduara më të trasha që i japin një pamje më të harmonishme.
Më vonë janë prodhuar edhe modele të“ Grizzly” në Kanada si tipi Kimik Pin (PKD). Këto ishin pajisur me zinxhirë më të lehta sesa homologu i tyre amerikan, të cilët u pajisën me pajisje gome ne karretat e zinxhirëve çka i bëri ata më praktikë gjatë Luftës së Dytë Botërore, kur prodhimet aziatike prej gome ishin në atë periudhe mall i pakët dhe i shtrenjtë.
Shitja e tankut kanadez “ Grizzly” u krye online në ankand në Nju Jork. Tanku është shitur të mërkurën (14 tetor) nga H & H Classics, një shtëpi ankandi që është e specializuar në shitjen e makinave dhe motoçikletavet. Edhe tanke të tjera Sherman janë nxjerrë në ankande në SHBA gjatë viteve të fundit.
Kështu, gjatë vitit 2014 janë disa variante të ndryshme të tankeve Sherman që janë shitur në ankand. Vlerën më të madhe e ka arritur një tank sulmi “Jumbo” M4A3E2 Sherman, i cili është shitur për më shumë se 1 milion $./tesheshi.com/
Përgatiti: Mark Brunga
