Punonjësit e këshillit bënë që nga sytë e një vogëlusheje 5 vjeçe të rridhnin lot. E gjitha kjo pasi i mbyllën “biznesin e saj” të limonadës.
Vajza e vogël kishte ngritur një tezgë, ku shiste pije të gazuara për dashamirësit e muzikës, që shkonin në festivalin Lovebox në Londrën Lindore. Por punonjësit e këshillit ia mbyllën atë dhe si të mos mjaftonte kjo, e gjobitën me 150 paund.
Anmdre Spicer tha se vajza e tij shpërtheu në lot kur oficerët e përmbarimit nga Këshilli i Kullave të Hamletit i thanë se ishte “duke tregtuar pa leje”, pranë shtëpisë së tyre në Mile End.
“Njerëzit ishin kaq të lumtur. Ata mendonin se ajo ishte e bukur dhe quajtën ‘punëtorja e vogël'” Ajo qante përgjatë rrugës dhe më tregonte: ‘babi kam bërë një gjë të keqe’. Ajo ishte shumë e shqetësuar, sepse ishte krenare për shitjen e saj dhe kjo me të vërtetë e përkeqësoi këtë eksperiencë”, u shpreh i ati i vogëlushes, profesor i Universitetit të Londrës.
Një zëdhënëse e autoritetit lokal shprehu keqardhjen për këtë ndodhi dhe tha se gjoba do të anulohej. Andre i tha së bijës se do të ngrinin një tezgë tjetër kur të merrnin lejen, por ajo u përgjigj: “Jo, është shumë e frikshme”./tesheshi.com/
