Top Channel informon se Prokuroria e Krimeve të Rënda po shqyrton një raport të përcjellë nga Shërbimi Informativ Shtetëror, ku hidhet dritë mbi zonat e mbjella me kanabis sativa në vend.
Dhe flitet për një raport me informacione të mbledhura nga agjentët në terren, në të cilin jepet me skema se si është kultivuar kanabisi në rrethe të ndryshme, si dhe mbi personat që ka dyshime paraprake se i kontrollojnë ato.
Të dhënat e sherbimit sekret janë dërguar në organin e akuzës pas një patrullimi edhe me helikopter, në të cilin ka qenë i pranishëm edhe kreu i SHISH, Visho Ajazi Lika, raportohet nga Top Channel.
Në raport citohet një burim, sipas së cilit ka zona të caktuara në jug e në veri të vendit që ruhen nga njerëz të armatosur, të cilët nga bashkëpunimi me njëri-tjetrin formojnë tiparet e grupeve kriminale.
Po ashtu, raporti përmban dhe informacion me emra oficerësh policie të dyshuar se janë të implikuar në kultivimin dhe tregëtimin e kanabisit.
Ditë më parë, media publikoi të dhënat e një raporti të ndërkombëtarëve mbi kultivimin e kabanisit në Shqipëri, por Ministria e Rendit e mohoi ekzistimin e tij. /tesheshi.com/
