Presidenti i ndjerë francez Zhak Shiraku përcoll në amshim me ditë zie kombëtare, nderime ushtarake dhe shërbime funerali në Paris.
Pallati Elize shpalli të hënën një ditë zie kombëtare në Francë pasi ish-presidenti, kryeministri dhe kryetari i Parisit vdiq të enjten në moshën 86 vjeç.
Kjo është dita e tretë e zisë në Francë, të cilat u shpallën vetëm pas vdekjes së ish-presidentëve Charles de Gaule, Georges Pompidou dhe François Mitterand.
Një ceremoni private u zhvillua në katedralen e Les Invalides ku homazhet nisën qysh të dielën mbrëma, ndërsa arkivoli i Shirak u largua nga Hotel des Invalides rreth orës 11:00.
Nderime ushtarake
Brenda në Hotel des Invalides, Presidenti Francez Emmanuel Macron mbërriti me Florence Parly, Ministrin Francez të Forcave të Armatosura. Arkivoli i Shirak ishte mbuluar me flamurin kombëtar.
Shërbimi i funerali
Ish-Presidenti Amerikan Bill Klinton, Presidenti Rus Vladimir Putin, Emir i Katarit Tamim bin Hamad Al Thani dhe Presidenti italian Sergio Mattarella, ishin mes dhjetëra udhëheqësve botërorë që morën pjesë në shërbim.
Ish-presidentët francez Valéry Giscard d’Estaing, Nicolas Sarkozy dhe François Hollande ishin gjithashtu të pranishëm dhe u përshëndetën nga Macron.
Kambana më e madhe e Notre Dame de Paris, le Bourdon, tingëlloi për herë të parë që nga zjarri shkatërrues më 15 prill, duke shënuar herën e parë që nga viti 1945 që zilja tingëllonte me dorë. /tesheshi.com/
