Klubi saudit i futbollit Al Hilal prezantoi zyrtarisht një përforcim të madh, yllin brazilian Neymar.
Neymar mbërriti në Al Hilal nga skuadra franceze Paris Saint-Germain (PSG).
Sulmuesi brazilian u prezantua në një ceremoni në stadiumin King Fahd para ndeshjes mes Al Hilal dhe Al Feih.
Rreth 60 mijë tifozë të Al Hilalit, të cilët mbushën tribunat, e pritën me shumë entuziazëm 31-vjeçarin Neymar.
Braziliani do të fitojë 300 milionë euro në dy sezone në fanellën e Al Hilalit. Besohet se kjo shifër do të arrijë në 400 milionë euro me të ardhura nga reklamat dhe sponsorizimet.
Pasi iu bashkua PSG-së nga Barcelona në vitin 2017 për një rekord prej 222 milionë euro, Neymar luajti një rol të rëndësishëm në klubin duke fituar pesë tituj të Ligue 1 franceze në 2018, 2019, 2020, 2022 dhe 2023.
Neymar gjithashtu ndihmoi PSG-në të arrinte finalen e parë të Ligës së Kampionëve UEFA në 2020.
Në karrierën e tij të deritanishme ka luajtur për Santos, Barcelona dhe Paris Saint-Germain. Në fanellën e kombëtares braziliane ai ka shënuar 77 gola në 124 paraqitje. /tesheshi.com/
