Qëllohet me armë zjarri në drejtim të makinës së një biznesmeni të njohur në Shijak. Burime raportojnë se nga atentati nuk ka dëme në njerëz, ndërsa policia ka nisur hetimet.
Burimet bëjnë me dije se nga persona ende të panjohur është qëlluar në drejtim të automjetit të biznesmenit Dashamir Gjoka. Sikundër raportohet në automjet ishin edhe disa pjesëtarë të familjes së tij.
Makina e biznesmenit është e blinduar, çka duket se ka mbrojtur të gjithë personat që ishin në të. Policia ka nisur hetimet për zbardhjen e ngjarjes. /tesheshi.com/
