Ambasadorja Yuri Kim i kushtoi një status marrëveshjes së djeshme të mes qeverisë shqiptare dhe asaj amerikane, për futjen e gazit të lëngshëm, i cili do ketë për stacion Vlorën, pikërisht TEC-in e ndërtuar më parë në këtë qytet, i cili rezultoi një investim i dështuar.
“Kjo është një marrëveshje strategjike e rëndësishme – jo vetëm që do të diversifikojë burimin e energjisë, por gjithashtu do të rrisë furnizimin me energji dhe sigurinë Shqipërinë dhe rajonin e Ballkanit Perëndimor.
Ajo hap gjithashtu rrugën për investime më të mëdha të SHBA dhe Shqipërisë, duke çuar në më shumë vende pune dhe mundësi për të dy vendet”, shkruan Kim.
Me këtë marrëveshje, për të cilin ministrja Balluku udhëtoi drejt Hjustonit, zgjerohet prania amerikane në ekonominë shqiptare, ku veccohet financimi prej tyre i HEC-it të Skavicës, një vepër e ideuar që nën regjimin komunist.
Ndërsa politikisht, këto investime amerikane të nënshkruar dhe të potencuara në prag të një fushate zgjedhore, ndër më delikatet në 30 vite, përcillen dhe si një mesazh asaj që kë preferojnë amerikanët të jetë në qeveri pas 25 prillit.
Investimi në Reformën në Drejtësi është përcaktues në këtë rast, teksa kjo reformë po kundërshtohet fort nga një palë politike, e mishëruar nën dyshen Berisha-Meta. /tesheshi.com/
