Ministria e Financave ka bërë publike rezultatet e para të operacionit antievazion të nisur që prej dy javësh.
Sipas njoftimit të Finacave, ka një trefishim të regjistrimit të bizneseve në zyrën e taksave, por shifër rekord është kuponi tatimor, ku sipas raportit ka një rritje me 26 milionë kupona, ndërsa sasia e xhiros së deklaruar të bizneseve është rritur me 33 miliardë lekë, ose 40.4%.
Sipas Ministrisë së Financave, Kontrolli i kryqëzuar i pothuajse të gjitha institucioneve të angazhuara në operacionin antiinformalitet të qeverisë ka sjellë rezultate jo vetëm në pajisjen me kasa fiskale dhe detyrimin për të shoqëruar me faturë tatimore të gjithë mallin e inventarizuar, por edhe në formalizimin e të punësuarëve.
Ndërkohë sipas një statistike paraprake nga 36,372 biznese të kontrolluara, me shkelje janë gjetur 11 përqind e tyre. Punonjës të pa deklaruar janë konstatuar në 574 raste.
/tesheshi.com/
