Thellohet bilanci tragjik i përpjekjes së marrjes së pushtetit me dhunë në Turqi të premten e shkuar. Sipas shifrave të fundit, të publikuara këtë pasdite, numri i viktimave ka shkuar në 240, 173 prej të cilëve janë civilë.
Ndërsa të plagosurit në shkallë vendi janë 1.535, nga të cilët 1.390 janë civilë, 124 janë punonjës policie, e 21 të tjerë janë ushtarë. Viktimat e të plagosurit nga përpjekja për grusht shteti janë përgjithësisht në Ankara e në Stamboll.
Përndryshe, 8.660 persona janë të ndaluar deri nga organet turke të zbatimit të ligjit. Mes tyre ka 6.319 ushtarë, 210 punonjës policie, 1.481 gjykatës e prokurorë, si dhe 650 civilë.
990 persona janë të arrestuar. Nga këta, 583 janë ushtarë, 273 janë gjykatës e prokurorë, 34 janë punonjës policie, 17 janë gjeneralë, e 18 janë civilë.
Përpjekja e dështuar për një grusht shteti është shoqëruar me ndalime të shumta nga organet policore, si dhe me shkarkime në masë nga puna e me qarkullime në detyrë. Autoritetet turke janë të vendosura t’i shkojnë gjer në fund pastrimit të shtetit nga struktura paralele. /tesheshi.com/
