Ekspertët thonë se të dhënat janë “thellësisht shqetësuese” dhe se ofrojnë një pasqyrë të një brezi që është “24 orë” nën presionin e rrjeteve sociale, të cilat nxisin sjellje të dhunshme, pasiguri dhe shqetësimit mbi pamjen e tyre.
Të dhënat tregojnë se numri i fëmijëve të shqetësuar është trefishuar në pesë vitet e fundit.
Organizata bamirëse britanike për Mbrojtjen e Fëmijëve NSPCC paralajmëron për rritje të shqetësimit të fëmijëve dhe adoleshentëve për shkak të lajmeve shqetësuese që mësojnë në rrjetet sociale, por edhe për shkak të ngjarjeve botërore, të tilla si Brexit, zgjedhjet amerikane dhe situatës së vështirë në Lindjen e Mesme.
Në vitin 2015/16, më shumë se 10.000 pacientë më të rinj se 18 vjeç u shtruan në spital për shkak të ankthit, përfshirë edhe fëmijë 12 vjeç e më të vegjël. Më shumë se 200 fëmijë janë të moshës më të madhe se katër apo pesë vjeç, si dhe 92 fëmijë të moshës nën 3 vjeç me shenja ankthi.
“Informacionet në lidhje me rritje të përnjëhershme të numrit të fëmijëve anksioz janë thellësisht shqetësuese” – thotë Dr. Mark Bush, këshilltar i organizatës bamirëse “YoungMinds”.
“Hulumtimi ynë tregon se fëmijët dhe të rinjtë ballafaqohen me një numër të madh të presioneve të ndryshme, përfshirë stresin në shkollë, problemet për shkak të dukjes, dhunës psikologjike në internet dhe jashtë tij, si dhe faktit se janë të ekspozuar 24 orë në ditë ndaj ndikimit të rrjeteve sociale dhe të pasigurisë kur është fjala për punësim”, thuhet nga organizata.
John Cameron, drejtor i NSPCC për ofrim të ndihmës për fëmijët dhe të rinjtë përmes telefonit, tha se problemet e fëmijëve “shpesh shkaktohen nga nevoja për të mbajtur ritmin me moshatarët e tyre dhe për të pasur një jetë të përsosur.”
Organizata ka shënuar rritje prej 35 për qind të thirrjeve nga fëmijët dhe të rinjtë gjatë viteve 2015/16, ndërsa numri i thirrjeve është rritur vazhdimisht dhe aktualisht kap një shifër prej 1.100 thirrje në muaj.
Në bisedat telefonike, fëmijët se tregojnë janë të shqetësuar në lidhje me luftën dhe vuajtjet e fëmijëve në mbarë botën, pasi kanë parë fotografitë e refugjatëve nga zonat e luftës, të cilat janë detyruar të largohen nga shtëpitë e shkatërruara./tesheshi.com/
