Që nga viti 2009, afro 40.000 shtetas të Kosovës kanë hequr dorë nga shtetësia duke marrë pasaportë të një vendi tjetër, në vend të asaj të vendlindjes.
Sipas kësaj llogarie, i bie që çdo vit vendin ta lënë afro 5000 qytetarë, pa llogaritur ata që zgjedhin të mbajnë dy shtetësi.
Nga janari e deri në gusht të këtij viti, nga shtetësia e Kosovës kanë hequr dorë më shumë se 3000 persona. Sipas Ministrisë së Punëve të Brendshme, e cila ka publikuar këto statistika, kjo shifër është shqetësuese edhe më tepër për faktin se po rritet vit pas viti.
Ndër shkaqet, të cilat kanë ndikuar në rritjen e këtij numri, sipas njohësve të rrethanave janë kërkesat e disa shteteve ku punojnë kosovarët që të kenë vetëm një pasaportë, por edhe faktorë të tjerë politik e social.
Njëkohësisht, dihet se personat që i thonë lamtumirë shtetësisë së Kosovës janë të ndikuar edhe zvarritja e liberalizimit të vizave. /tesheshi.com/
