Ekipet japoneze të shpëtimit shfrytëzuan një qetësim të motit të shtunën për të kërkuar për të mbijetuarit nga reshjet e shiut, vërshimet dhe rrëshqitjet e tokës, ndërkohë që numri i të vdekurve nga disa është rritur në 16, njoftoi transmetuesi shtetëror i NHK.
Autoritetet paralajmëruan për reshje edhe më të mëdha gjatë fundjavës, duke shtuar kështu mjerimin që stuhitë e verës kanë sjellë në jugperëndim të Japonisë që nga e mërkura.
Disa lagje janë shkatërruar nga përmbytjet dhe rrëshqitjet e dheut, dhe punëtorët e shpëtimite banorët kanë filluar të sigurojnë shtigje kalimi nëpër rrugët e bllokuara nga degët e thyera të drunjëve dhe balta.
“Gjithë balta dhe mbeturinat po e bëjnë të vështirë përpjekjen për pastrim”, tha Susumu Higuchi, një banor i Asakura-s.
Qyteti u godit nga një sasi e madhe shiu, në një kapacitet prej më shumë se 600 mm (24 inç) brenda 24 orësh të shtunën në orën 5 të mëngjesit, sipas agjencisë për parashikimin e motit të Japonisë.
Makineri të rënda po përdoren për të pastruar baltën e shumtë nga rrugët, ndërsa aty afër një pemë e rrënuar është parë të ketë rënë mbi kabllot e një shtylle elektrike.
Një qen policie po kërkonte për viktimat nëpër shtëpitë e përmbytura, shumë prej tyre tashmë të bllokuara me mbeturina.
Agjensia për parashikimin e motit ka paraparë rënie shiu me kapacitet prej 150 mm në zonën e industrializuar të Kyushu brenda 24 orëve deri të dielën në ora 6. Disa vende kanë parë brenda një ore sasi aq të madhe shiu, që tejkalon sasinë totale të shiut për gjithë muajin korrik. /tesheshi.com/
