Një gjykatë pakistaneze ka rrëzuar dënimin me vdekje të dhënë në mungesë për ish-Presidentin, njëherësh gjeneralin Pervez Musharraf, duke argumentuar se gjykata speciale që kreu procedurat dhe shqiptoi dënimin ishte jokushtetuese, tha një burim gjykate.
“Dorëzimi i padisë, ngritja e gjykatës, zgjedhja e prokurorëve ishin të kundraligjshme. I gjithë procesi gjyqësor po anulohet”, tha Prokurori i Përgjithshëm.
Gjykata tani mund të urdhërojë një gjykim të ri për ish-kreun e shtetit, i cili është akuzuar për krime të tjera, përfshirë vrasjen e ish-kryeministres Benazir Bhutto dhe një udhëheqësi të fisit të shquar në provincën jugperëndimore të Balochistani.
Gjykata Speciale dënoi Musharraf më 17 dhjetor, në mungesë të tij, me vdekje “për tradhti” për vendosjen e një gjendje të jashtëzakonshme në 2007.
Shprehjet mizore të përdorura në aktvendim, “Nëse ai gjendet i vdekur, kufoma e tij do të tërhiqet zvarrë në Islamabad dhe do të lihet atje për tre ditë”, ndezën polemika të forta në vend dhe zemërimin e ushtrisë që ka sunduar Pakistanin në gjysmën e historisë së vendit që nga pavarësia.
Një vendim i tillë “është antikushtetues, në kundërshtim me etikën dhe i paligjshëm”, tha Prokurori i Përgjithshëm Anwar Mansoor Khan, i cili u emërua nga qeveria.
Musharraf jeton në mërgim në Dubai, nga ku bëri shpërndau një videokasetë nga një shtrat spitali duke komentuar vendimin. Shumë i dobët dhe duke folur me ankth, ai tha se vendimi gjyqësor ishte i motivuar nga “hakmarrja personale”.
Musharraf ka qenë një aktor qendror në politikën pakistaneze që kur erdhi në pushtet në tetor 1999. Në qershor 2001, ai shpalli veten president dhe fitoi një referendum të diskutueshëm në 2002.
Përballë terrorizmit, në emër të mbrojtjes së unitetit kombëtar, shfuqizoi kushtetutën e vitit 2007, e cila u kundërshtua nga Gjykata Supreme..
Ai u konsiderua një musliman i moderuar dhe ishte aleati kryesor i Shteteve të Bashkuara në “luftën kundër terrorit” pas sulmeve të 11 shtatorit 2001. Ai shmang të paktën tre vrasje në tentativë të planifikuar nga rrjeti terrorist al-Kaeda në nëntë vitet e mandatit të tij. /tesheshi.com/
