Irani zbuloi një avion të ri luftarak dhe presidenti Hassan Rouhani thotë se Teherani duhet të zhvillojë një ushtri për të parandaluar vendet e tjera që të pushtonin territorin dhe burimet e saj.
Aeroplani luftarak Kowsar u shfaq në një ceremoni në Teheran me rastin e Ditës së Industrisë së Mbrojtjes Kombëtare, ku mori pjesë dhe Rouhani.
Kowsar është tërësisht prodhim vendas, i aftë për të mbajtur armë të ndryshme, dhe do të përdoret për misione ajrore të shkurtra, raporton Agjencia Tasnim.
“Ne duhet të bëhemi gati për të luftuar forcat ushtarake që duan të zënë territorin tonë dhe burimet tona”, tha Rouhani në një fjalim televiziv të transmetuar nga Reuters.
Sipas tij, Shtetet e Bashkuara nuk guxojnë të sulmojnë Iranin, sepse janë të vetëdijshëm për forcën ushtarake dhe çmimin e lartë të konfliktit.
“Pse nuk na sulmojnë SHBA-të? Për shkak të forcës sonë, sepse ata i njohin pasojat”, tha Rouhani.
Shfaqja iraniane është tipike si ajo e Koresë së Veriut deri para disa muajsh, ku i tregonte muskujt SHBA-ve me testet bërthamore. Ndërsa Teherani po e bën këtë me avionë luftarakë. /tesheshi.com/
