Ajo ka shitur veshjet e saj të vjetra që nuk i përdorte më në platformën ebay dhe ka arritur të pasurohet. Laura Rose është vetëm 21 vjeçe dhe është shndërruar në një sipërmarrëse duke shitur online përmes ankandeve të saj, veshjet e veta të vjetra, por edhe të miqve dhe të të afërmve, duke fituar rreth 38 mijë euro.
“Nisa me një shifër të vogël rreth 25 euro dhe më pas u bëra e pavarur në këtë sipërmarrje. Shita të gjitha veshjet e mia të vjetra, u dobësova shumë ndaj kisha plotë për të shitur. Më pas nisa të zbras dollapët e komshinjve, miqve dhe të afërmve nga Dartford në Kent”,- ka thënë ajo për Sun.
Vajza është regjistruar në universitet në lëndën e ekonomisë dhe tregon se cilat kanë qenë pikat e saj të forta, që është shndërruar në një njeri kaq të suksesshëm dhe me të ardhura të mëdha:
- Nisja e ankandit me një çmim të ulët për të mbledhur sa më shumë klientë.
- Mos vendosni në shitje veshjet që janë në gjendje shumë të keqe edhe nëse arrini t’i shisni, pasi do të keni një feedback negativ, çka do të çojë në largimin e klientëve tuaj.
- Bëni përshkrimin e detajuar të veshjes, për të dhënë sa më shumë informacion në lidhje me të.
- Visheni veshjen dhe bëjini një fotografi për të treguar se si duket ajo në trup.
- Sigurohuni që fotografitë të jenë realizuar me një dritë dhe sfond të bukur, në mënyrë që të dalin në pah karakteristikat e veshjes.
- Mundohuni që të vendosni lajmërimin në orarin e pikut. /tesheshi.com/
