Në kulmin e përplasjes për Teatrin Kombëtar, Erion Veliaj ka tërhequr një çmim të parë në konkursin ndërkombëtar që është zhvilluar në Barcelonë për sheshi “Skënderbej”.
Lajmi është bërë i ditur si nga Erion Veliaj por edhe nga konkursi për hapësirën publike në faqen e tij të twitter-it.
Në konkurs ka garuar edhe Lungomarja e Vlorës, por në fund çmimin e ka marrë sheshi “Skënderbej” në Tiranë, metroja e Amsterdamit dhe një projekt rinor kulturor në Vilnus.
Sheshi “Skënderbej” u përzgjodh mes 279 projekteve nga 32 vende të ndryshme europiane, ndërsa më parë ishte zgjedhur mes 25 projekteve finaliste.
Çmimin e terhoqi kryetari i Bashkisë së Tiranës, Erion Veliaj, si dhe përfaqësues të studios projektuese 51N4E.
Çmimin Evropian për hapësirë publike urbane është një konkurs dyvjeçar organizuar nga Qendra e Kulturës Bashkëkohore të Barcelonës (ÇCB) dhe gjashtë institucionet evropiane me qëllim për të njohur dhe për të inkurajuar projektet e rimëkëmbjes dhe mbrojtjen e hapësirës publike në qytetet tona.
Çmimi, i krijuar në vitin 2000 dhe këtë vit feston edicionin e tij të dhjetë.
Vetë Veliaj deklaroi menjëherë pas çmimit: “Shumë i lumtur që Sheshi “Skënderbej” u shpall fitues i Çmimit Evropian për Hapësirën Publike Urbane 2018 mes 279 projekteve nga 32 vende të ndryshme europiane.
Projekti transformues i qendrës së Tiranës si xhevahir i gjithë kombit shqiptar, që filloi nga Edi Rama në 2008 në Bashkinë e Tiranës. Kur ne shqiptarët bashkëpunojmë e nuk përleshemi, bëjmë mrekulli! Kjo është prova!
Nuk kishte mënyrë më të mirë për të festuar 3 vjet Zhvillim në Bashkinë e Tiranës. Më e mira është përpara. Forca” /tesheshi.com/
