Menjëherë pas pafajsisë nga Gjykata e Hagës, lideri i paramilitarëve serbë, Vojisllav Sheshel, ka nxjerrë nga sunduqet “xhevahiret e luftës”. Derisa gjykata tha se nuk ka bërë krime, ai ka një arsye më shumë për t’u mburrur.
Kreu i Partisë Radikale Serbe, ka thënë së fundi pa iu dridhur qerpiku se një nga eksponentët kryesorë të dënuar për vrasjen e kryeministrit Zoran Xhingjiq, në vitin 2003, “është jo vetëm është i pafajshëm por edhe një hero”.
Këtë e bën të ditur gazeta e Beogradit, Danas, në një lajm të së shtunës mbrëma.
Sipas Sheshelit, ish-komandanti i njësive speciale serbe (JSO), Zvezdan Jovanoviq, është një hero dhe nuk ka asnjë faj.
Sipas politikanit radikal serb, nuk ndonjë provë të qartë që më 12 mars 2003, Jovanoviç tw ketë qëlluar kundër ish-kryeministrit të Serbisë.
Ndërkaq, ka reaguar menjëherë kreu i Partisë Liberal-Demokrate të Serbisë dhe një nga pasuesit e politikës së Zoran Xhingjiqit.
Bëhet fjalë për Çedomir Jovanoviçin, i cili deklaroi se “nuk e di nëse Shesheli është i sëmurë apo jo. Unë personalisht nuk ia dua të keqen, por di që ai dhe politika që ka ndjekur na ka shkatërruar; dhe po krijon një premisë të madhe për tu rikthyer kriza dhe urrejtja e botës ndaj nesh.” Sipas tij, kur Sheshel merret me politikë, fjalën nuk e ka logjika por mjetet e tjera si dhuna e kërcënimi.
Sipas Jovanoviçit, të gjithë problemet e Serbisë janë pasojë e çmendurisë së Sheshelit dhe ndaj vendi nuk ecën përpara”. /tesheshi.com/
