Pas kërcënimit të Qeverisë së Kosovës se do të arrestojs liderin e radikalëve serbë, Voisllav Shesheli nëse shkele tokën e Kosovës, ky i fundit ka hequr dorë nga ardhja në tubimin elektoral të SRS-së në veri të Mitrovicës.
Më shumë se njëqind serbë janë tubuar sot në sheshin e ashtuquajtur ‘vëllezërit Miliq’, në pjesën veriore të Mitrovicës për ta pritur liderin radikal.
Megjithëse nuk ka ardhur në Kosovë, Sheshel u është drejtuar të tubuarve nga Beogradi nëpërmjet audioparlantit.
Sheshel ka akuzuar Qeverinë e Serbisë dhe atë të Kosovës që nuk ia lejuan shkuarjen në Mitrovicën e veriut.
“Fajtore është Qeveria tradhtare e Serbisë dhe separatistët shqiptarë që nuk më lejuan të vij tek ju”, tha Sheshel nga Beogradi.
Gjatë fjalimit të tij ish-kreu i paramilitarëve sulmoi Thaçin: “a e dini ju se kush është bërë President i Kosovës? Ai që iu ka marr serbëve organet dhe i ka shitur”.
Të tubuarit përveç fotografive të Sheshelit kanë pasur edhe fotografi të presidentit rus Vlladimir Putin.
Për sot ishte paralajmëruar se Shesheli do të vijë në Kosovë, por që një gjë e tillë ishte kundërshtuar nga zyrtarët e Qeverisë së Kosovës.
Petrit Selimi, ushtruesi i detyrës së ministrit të Punëve të Jashtme të Kosovës ka paralajmëruar se nëse Shesheli hyn në Kosovë ai do të arrestohet.
Burime të portalit tesheshi.com, nga policia e Kosovës kanë theksuar se “Policia në veri e Kosovës ka bërë një plan operative, duke siguruar të gjitha hyrje daljet e rrugëve alternative që të shpien nga Serbia në Kosovë me qëllim që nëse Lideri i Partisë Radikale të Serbisë SRS-së Voisllav Sheshel, futet në Kosovë të arrestohet menjëherë”.
/tesheshi.com/
