Dy persona kanë mbetur të plagosur në Kavajë pas një sherri në një lokal fast food.
Burime nga policia bëjnë të ditur se ngjarja ka ndodhur pranë shkollës “Aleksandër Moisiu”, ku nga verifikimet paraprake ka rezultuar se shtetasi N.T., 41 vjeç dyshohet të jetë goditur me mjet prerës në lokalin e tij nga shtetasi F. P., rreth 44 vjeç, i cili dyshohet të jetë me probleme mendore.
Nga policia është bërë ndalimi i të dy shtetasve pasi te dy janë të goditur me mjete prerëse.
Shtetasi N. T u dërgua në spitalin e Durrësit për ekzaminime të specializuara pasi nga konstatimet e para ka një goditje në pjesën e barkut me mjet prerës, ndërsa shtetasi F. P është dërguar në spitalin e Kavajës pasi ka një të çarë në pjesën e kokës. /tesheshi.com/
