Një shtetas 53 vjeç u arrestua nga policia e Fierit pasi plagosi me armë zjarri një 45-vjeçar. Burime nga policia bëjnë të ditur se një sherr për motive të dobëta, pasoi me përdorimin e armëve dhe plagosjen e një personi.
I arrestuari është identifikuar si Harun Hoxha, ndërsa i plagosur ka mbetur Sh.K, i cili ndodhet në spital për ndihmë mjekësore.
Ngjarja ka ndodhur në fshatin Drizë në orët e vona të mbrëmjes së të martës.
Policia bëri të ditur se në konflikt e sipër, 53-vjeçari ka qëlluar me armë në drejtim të shtetasit Sh.K dhe më pas është larguar.
Policia e arrestoi autorin e dyshuar të krimit pas disa orësh, ndërsa përballet me akuzat e “vrasjes së mbetur në tentativë” dhe “prodhim dhe mbajtje pa leje të armëve dhe municioneve”. /tesheshi.com/
