Një sherr fizik ka ndodhur këtë mëngjes në ambientet e Bashkisë së Dibrës, ku si pasojë kryetari Muharrem Rama është shoqëruar në ambientet e policisë për të dhënë shpjegime. Pra, puna ka arritur deri në pikën e ndërhyrjes së policisë. Siç thuhet paraprakisht, shkak ka qenë nisja e një fushate shkarkimesh nga ana e një të emëruari nga Tirana në krye të burimeve njerëzore, Drini Mataj. Dhe dyshohet se kanë qenë të emëruar të PDIU-së ata të cilët kanë reaguar.
Po çdo partia e çamëve në Dibër, në trevën ku nuk ka patur kurrë prani çamësh? Vitet e fundit, Shpëtim Idrizi arriti të ngrite aty një enklave elektorale të partisë së tij pasi u lidh me një ndër “të fortët” e zonës, Ymer Lala. Vajza e këtij të fundit, Reme Lala, është sot dhe deputete e PDIU-së në parlament.
Dhe në zgjedhjet e pjesshme lokale ku PS kandidoi me Muharrem Ramën, Idrizi qe mbështetja kryesore duke bërë një zhvendosje të LSI-së. Dhe kjo bëri që në bashkinë e rimarrë sërish nga PS-ja, me suportin e fortë të PDIU-së, të vërshonin individë të konvertuar në çamë. Kjo ka bërë që prej dy vitesh, që kur Muharrem Rama drejton Bashkinë e Dibrës, ai të jetë nën presionin e fortë, deri dhe peng i çamëve. /tesheshi.com/
