Nazi Onluk, një grua 101-vjeçare nga Turqia, mundi COVID-19 dhe doli me “këmbët e veta” nga një spital në Stamboll.
Onluk u pranua në spital nëntë ditë më parë për kollitje dhe gulçim, dhe testet treguan se ajo ishte e infektuar me koronavirus.
Megjithatë, ajo arriti të ngadhnjejë ndaj sëmundjes dhe u doli nga spitali me duartrokitje.
Një prej mjekëve kryesorë në vend, Recep Demirhan tha se ishte një nga 1.400 që dolën të shëruar nga spitali.
“Kjo grua është 101 vjeç. Nëntë ditë më parë, ajo kërkoi ndihmën tonë duke u ankuar për kollë dhe gulçe”, tha Demirhan.
Demirhan tha se pas shtatë deri në tetë ditë, shëndeti i saj u përmirësua, temperatura e trupit të saj ishte ulur dhe problemi i gulçimit ishte eleminuar.
Sipas tij, pacientja e moshuar nuk kishte sëmundje shtesë kronike, siç është diabeti ose dështimi kronik i zemrës.
“Ndërsa nuk kishte sëmundje shtesë, ajo u shërua brenda nëntë ditësh me terapi dhe u la e lirë nga spitali,” tha Demirhan.
Ai beson se situata mund të jetë e ndryshme nëse do të kishte sëmundje shtesë.
“Dhe ilaçet kanë dhënë një kontribut të rëndësishëm. Imunitet shumë i rëndësishëm dhe i fortë. Për më tepër, ne kemi dhënë një dozë të lartë të vitaminës C. Ai është një element efektiv gjatë terapisë”, tha Demirhan, i cili shtoi se dhe terapia e oksigjenit është përdorur gjatë trajtimit të të moshuarës. /tesheshi.com/
