Ka arritur të qëndrojë në jetë dhe t’i shpëtojë sëmundjes së leukemisë në moshën 12-vjeçare e në të njëjtën kohë ka bërë diçka shumë të veçantë për fëmijët e moshës së saj që kanë kaluar të njëjtën gjë sikurse edhe ajo. Leanna Williams jeton në Helson të Cornovaglias dhe ka vendosur të vijojë luftën e saj kundër kancerit.
Leanna e di se çfarë do të thotë të luftosh një sëmundje si kanceri, duke qenë se ka përballuar prej moshës së vogël kura intensive dhe e di se çfarë do të thotë dhimbje, ndaj vendosi të ndihmojë fëmijët e tjerë të përballojnë këtë udhëtim, duke iu shkruar atyre letra.
“Është emocionuese të marrësh një letër që të jep shpresë, e cila është e shkruar me dorë. Do të më kishte pëlqyer edhe mua të më thonin “mos u dorëzo kurrë” kur ndodhesha në spital”, – tregon vajza e vogël për Sun, duke konfirmuar se qëllimi i saj i vetëm është të bëjë të lumtur fëmijët e tjerë.
Veç shpresës, Leanna iu ka dhënë këtyre fëmijëve edhe ndihmë konkrete, duke arritur që të mbledhë sterlina për vijimin e kërkimeve për gjetjen e kurave ndaj kësaj sëmundjeje. /tesheshi.com/
