Edhe pacienti zero në Shqipëri, veç babait të tij, ka rezultuar i shëruar nga koronavirusi.
“Një tjetër lajm i mirë. Edhe pacienti 0 sapo është konfirmuar negativ. Babë e bir pritet të lënë spitalin dhe bashkë me pacientin tjetër që la spitalin pasditen e sotme, janë 3 pacientët e shëruar që rikthehen në shtëpi. Shumë mirënjohëse për punën dhe sakrificën e ekipit të Infektivit. Jeni më të mirët“, shkroi ministrja e Shëndetësië Ogerta Manastirliu.
“Edhe pacienti zero sapo doli negativ“, shkroi Rama me një ndjenjë lehtësimi dhe entuziasmi.
Pacienti zero, një i kthyer nga Italia me të atin, futur në Shqipëri nga Mali i Zi, u konstatua me 8 mars. Prej asaj dite, Shqipëria ka nisur praktikimin e vetëkarantimit, me të infektuar që rriten dita-ditës ndonëse jo me ritme të larta. /tesheshi.com/
