Një raport sekret ka zbuluar së fundmi se Moska ka thyer sanksionet e OKB-së duke furnizuar me naftë regjimin e Koresë së Veriut.
Njësia e inteligjencës e BE-së, praktikisht shërbimi sekret europian bën të ditur se anije çisternë ruse kanë hyrë në vendin e qeverisur nga Kim Jong-un.
Agjencia europiane ka publikuar një raport që bëhet i ditur nga agjencia Reuters, i cili thekson se në tetor dhe në nëntor, anijet ruse kanë derdhur naftën tek disa çisterna të Koresë së Veriut në det të hapur.
Siç bën të ditur raporti, anijet ruse janë private dhe ende nuk ka ndoinjë konfirmim për përfshirjen e qeverisë.
Auoritetet ruse nuk kanë dashur të komentojnë lajmin e Reuters, ndërsa kompania e përmendur se ka dërguar naftën në Korenë e Veriut ka mohuar gjithçka.
Në muajin nëntor, Korea e Jugut ka sekuestruar një anije çisternë: “Lighthouse Winmore”, formalisht me flamurin e Hong Kong, i cili është pjesë e Kinës.
Anija ka derdhur 600 ton naftë tek një tjetër vapor çisternë nga Korea e Veriut.
Donald Trump ja dha informacionin personalisht presidentit kinez gjatë vizitës së tij të fundit në Pekin, por mori përgjigjen se “Kina nuk guzon kurrë të shkelë sanksionet e OKB-së”.
Raporti i shërbimit sekret të BE-së thekson se ka një skemë të komplikuar kontrabande, e cila nis në Rusi dhe nëpërmjet disa linjave kineze përfundon në ujrat verikoreane.
E gjithë skema bëhet nga subjekte që janë pjesë e shërbimeve sekrete të Rusisë dhe Kinës.
Nëse faktet marrin qëndrim zyrtar të BE-së dhe SHBA, atëherë pritet që të ketë zhvillime më të tensionuara jo vetëm në Azi, por edhe në Europë, si pasojë e përplasjes Moskë-Bruksel.
Këtë herë nuk është CIA dhe SHBA që zbulon fakte të bujshme, por strukturat e BE-së, të cilat po tregojnë se Bashkimi Europian nuk është thjeshtë bashkim shtetesh por bëhet fjalë për “Shtetet e Bashkuara të Europës”.
Shërbimi sekret i BE-së apo Inteligence Europa drejtohet nga e “plotfuqishmja” Federica Mogherini. /tesheshi.com/
