Dëgjojmë përditë për dieta detoks, çajra, pije dhe masazhe detoks. Por sa të dobishme janë në të vërtetë? Na vjen keq t’ju zhgënjejmë, por përgjigja është se nuk shërbejnë aspak!
Le të flasim pak për toksinat. Shkurt, toksinat nuk janë gjë tjetër, vetëm se helme që dalin nga djegia e ushqimit brenda në organizëm, si dhe mbetja e substancave kimike të produkteve që ne konsumojmë në përditshmëri.
Mirëpo ne nuk e dimë saktësisht se çfarë lloj toksinash janë këto, në mënyrë që t’i eliminojmë. Shumë tregje apo produkte përdorin si strategji marketingu shprehjen detoks për t’ia mbushur mendjen klientit se është diçka e domosdoshme për organizmin për të “shporrur” këto lloj toksinash.
E vërteta është se vetë organizmi ynë është i krijuar me aftësinë për ta pastruar trupin nga toksinat, dhe kjo bëhet nëpërmjet aparateve dhe proceseve të ndryshme, si urinimi apo djersitja.
Është e vërtetë gjithashtu se këto lloj produktesh, të ashtuquajtura detoks, nxisin shpejtimin e metabolizmit dhe mirëfunksionimin e tij, gjë që nga ana tjetër siguron dhe një pastrim sa më të efektshëm të toksinave, por kjo nuk do të thotë domosdoshmërisht se janë përgjegjëse për këtë pastrim. /tesheshi.com/
