Qyteti verior i Indisë, Phalodi i cili ndodhet në shkretëtirën Rajasthan, ka arritur temperaturën 51°C duke thyer kështu rekordin paraprak prej 50.6°C të shënuar në vitin 1956, në qytetin Alwar.
Temperaturat në veri të Indisë rregullisht shkojnë deri 40°C në muajt maj dhe qershor, por ngritja e temperaturave mbi 50°C është dukuri krejtësisht e pazakonshme.
Zyra meteorologjike ka paralajmëruar për një “valë të ashpër të nxehtit” në pjesën veriore dhe perëndimore të Indisë, gjatë ditëve të fundjavës.
Disa qindra njerëz mendohet se kanë vdekur gjatë këtij viti, për shkak të valës së të nxehtit dhe në disa zona është ndaluar zierja gjatë ditës me qëllim të kufizimit të rrezikut nga zjarri.
Më shumë se 1.000 njerëz kanë humbur jetën në vitin 2015 nga vala e të nxehtit kryesisht për shkak të dehidrimit, në pjesën jugore të vendit. /tesheshi.com/
