Agjencia iraniane e Aviacionit Civil fajësoi një sistem radari dhe mungesë komunikimi midis operatorit të mbrojtjes ajrore dhe komandantëve të tij për rrëzimin aksidental të një aeroplan udhëtarësh ukrainas që vrau 176 njerëz në janar, raportoi Reuters.
Rojet Revolucionare Iraniane qëlluan një aeroplan të një kompanie ukrainase më 8 janar menjëherë pasi u nis nga aeroporti në Teheran, dhe Teherani më vonë pranoi se forcat në gatishmëri të lartë gjatë tensioneve me Shtetet e Bashkuara kishin bërë një “gabim katastrofik”. .
“Gabimi në rregullimin e sistemit të radarit shkaktoi një gabim njerëzor. Operatori harroi të rregullojë drejtimin e sistemit të radarit pasi kaloi në një pozicion të ri. Ky ishte një gabim që kontribuoi në leximin e gabuar të të dhënave të radarit”, thuhet në raport në faqen e internetit të Organizatës së Aviacionit Civil (CAO).
Një raport i CAO, i lëshuar mbrëmjen e së shtunës, thotë se sistemi kundërajror që shënjestroi aeroplanin u zhvendos dhe “nuk u ridrejtua si duhet”.
Rrëzimi i avionit ukrainas ndodhi në një kohë të tensionit të fortë midis Iranit dhe Shteteve të Bashkuara.
Irani ishte në gatishmëri për sulmet e SHBA-së pasi qëlloi raketa në një bazë irakiane që strehonte forca amerikane, duke u hakmarrë për vrasjen e komandantit ushtarak iranian Kasem Soleimani në një sulm me avionë amerikanë në Bagdad në 3 janar.
“Goditja ndodhi për shkak të gabimit njerëzor”, thuhet në raportin e CAO, duke shtuar se avioni u zbulua nga sistemi si një objektiv që i afrohej Teheranit.
Në atë incident, u shuan afro 170 jetë njerëzore. /tesheshi.com/
