Gjysmëshakaja e Ilir Metës në programin festiv të Top Channel-it me personazhin e Gjinit, ku tha se “ia kam dhënë fjalën doktorit”, duket se po pasohet nga qëndrime shumë, po shumë serioze, të eksponentëve pranë kreut të LSI-së.
I pari është Ylli Manjani, që përmendi prillin si afat për dhënien e lajmit Edi Ramës për largimin apo jo nga koalicioni qeveritar. Ndërsa sot Ylli Manjani ka kundërshtuar hapur në qeveri planin e legalizimeve.
Edi Rama, siç duket pasi ka korrur sukses në legalizimin e objekteve në zonat informale ka rrritur stekën duke përgatitur edhe legalizimin e pallateve të ndërtuara pa leje apo që kanë shkelur lejen. Kjo, siç duket, do të jetë kartë elektorale e kreut të PS-së, tashmë i përgatitur për të dalë i vetëm në zgjedhjet e 18 qershorit.
Ndërkaq, një deklaratë e Spartak Ngjelës në faqen e tij të Facebook-ut se duhet të arrestohet Sali Berisha dhe Ilir Meta ka “lëshuar” bashkëpunëtorët e afërt të kreut të LSI-së që jo vetëm kanë sulmuar avokatin, por e kanë cilësuar atë si të “ndërsyer” nga Edi Rama.
Ylli Dylgjeri në një status të tij thotë se: “Takut duhet t’i vendosen zinxhirë në këmbë”.
“E shikoni ç’thotë anglosaksoni mo? S’pyet saksoni për zyra e Vettingje. Po s’të arrestoi SPAKU, të arreston SPARTAKU!
Arrestime në tabor- thotë! Nuk njeh lloj tjetër arrestimi. I do arrestimet si në kohën e xhaxhit Enver, kur i futi babë, bir e birë, e ç’kishte kjo rracë që i la nja 20-të vite fakir. Ndaj them, se Avokatit duhet t’i vini zinxhir. Zinxhir jo për rrota.Taku tani do zinxhir për këmbët. Taku prap po rrëshket”, shkruan Dylgjeri, një zyrtar dhe funksionar i LSI-së.
Ndërsa një nga këshilltarët e Ilir Metës në Kuvend, Dritan Kaba shpërthen duke sulmuar edhe Edi Ramën. Edhe pse shumë i rëndë në gjuhë po e japim të plotë statusin e Kabës për të lexuar politkisht, se ai pëveç se një individ me mendim të lirë, është një zyrtar që punon pranë kryetarit të Kuvendit.
“Avokati qesharak Ngjela, ky megafon i ndryshkur i reformes sorosiane ne drejtesi, e cila u permbyt nga ujerat e Venecias kerkon publikisht arrestimin e politikaneve.
Ate qe nuk e arriten dot nepermjet manovrave te turpshme per kapjen e sistemit te drejtesise, korri i sorrave, e kerkon me deklarata boshe te interpretuara nga ky bufon
Avokati sorosian,, kerkon arrestimin e poltikaneve qe nuk e kane honepsur asnjehere Sorosin dhe as i jane lepire duke bere, here kodoshin, here sherbetorin, here kurven me pagese, here kllounin e oborrit te tij.
Te trembur deri ne fobi te frikshme nga ardhja e Presidentit Trump ne krye te SHBA, kane lajthitur deri ne ate derexhe sa te nxjerrin mallin e kohes se prinderve te tyre kriminele duke kerkuar arrestime publike.
Kjo furtune sorosiane, ne gote, do vazhdoje edhe pak dite.
Sakte edhe 15 dite, epoka e tyre perfundon.
Ne 20 janar nuk do kene me gjoja shoqeri civile te paguara nga parate qe Sorosi i vjedh Shqiperise nga borxhi i saj i jashtem.
Ne 20 janar nuk do te kete me financime te grupeve sorosiane nga USAID, qe me ato para bejne orgjite e tyre politike, jo vetem, dhe paguajne keta mendjepjerdhur.
Sondazhet e paguara nuk iu bejne me pune.
Kjo amalgame parazitesh, te paaftesh, hajdutesh dhe laviresh do marre fund me 20 janar.
Dielli i tyre ka filluar te perendoje.
SUKSESE NE JETE!”
Gjuha dhe nervoziteti verbal flasin as më pak e as më shumë por për shenjat e “kiametit” politik mes Ilir Metës dhe Edi Ramës që janë paralajmëruar shumë gjëmuese.
Natyrisht që palët presin se çdo të ndodhë pas 20 janarit në Uashington. Por shenjat kanë nisur të vrullshme… /tesheshi.com/
