Pas ultimatumit të opozitës së Kosovës se më 17 shkurt do të zhvillohet protestA e madhe për ta bllokuar përfundimisht qeverinë e Isa Mustafës, Hashim Thaçi, krahu i tij i djathtë, deklaroi se partia e tij do të nxjerrë në rrugë 1 milionë votues për të bërë të mundur zgjedhjen e tij president.
Ndërkohë, Albin Kurti iu përgjigj se “ai mund të bëhet president në tavan ku rrijnë minjtë dhe Gërmi ku rrinë gjarbërinjtë, po jo në sallën e Parlamentit të Kosovës”; çka do të thotë se e gjithë politika e Kosovës ka lënë institucionet, ka dalë në rrugë, e bashkë me votuesit e saj po gjuajnë njëri-tjetrim sa më fort, duke u larguar çdo ditë e më shumë nga një zgjidhje.
Kishte të drejtë Milaim Zeka që thoshte se e gjitha kjo nismë bëhet vetëm për Gjykatën Speciale; dhe është një tentativë për të trazuar situatën duke kërkuar që të fitohet diçka pas asaj që ka humbur. Por edhe nesë është ky halli, atëherë pse nuk mblidhen të gjithë e të miratojnë një version final e të dakortësuar, qoftë për Gjykatën Speciale e qoftë dhe për “Zajednicën”, dhe në fund vendosin dhe rregullat për presidentin e ri?!
Javën tjetër festohet 8-vjetori i Pavarësië dhe fëmijët që kanë lindur atë ditë e sot janë në klasë të tretë fillore, nuk arrijnë të kuptojnë se çfarë pavarësie dhe shteti po ndërtojnë njerëzit që gjuajnë njëri- tjetrin me pllaka bulevardi dhe gaz lotsjellës.
Të hënën, presidentja e Kosovës, Atifete Jahjaga ka thirrur partitë për të gjetur një rrugë të përbashkët për zgjidhjen e krizës. Një rrugë e mundshme për daljen nga qorrsokaku mund të dalë pikërisht nga presidentja në largim e cila nuk ka asnjë interes për të qenë e njëanshme dhe mund të japë kontributin e fundit dhe final për rrugëdaljen nga ky ankth që s’po mbaron prej një viti. /tesheshi.com/
