Shukri Xhelili nuk ka ndjekur rrugën e natyrshme të ndjesës në kësi rastesh, por atë të shndërruar në trend tashmë, ku “viktima” bën viktimën politike, duke tentuar ta transformojë thelbin dhe ta zhvendos debatin në tjetër gjë.
Po, nuk ka dyshim që është edhe një viktimë politike në lapërdharinë e vet, por kjo nuk ndryshon asgjë në faktin që ai, pos këtij vesi të cilin e ka patur dobësi karakteri, e të cilin ja njeh opinioni afër tij, i ka shtuar së fundi dhe atë të shfrytëzimit të postit po për të njëjtën gjë.
Tek thënia e tij bastarde se “kryetari ta bën atë punë…”, është kryetari dhe jo Shukriu; pra është posti dhe jo individi në kuptimin privat të fjalës.
Pastaj, ajo që ka shokuar më tepër opinionin, nuk është as lapërdharia e tij ekstreme (është dhe me status gjyshi mbi të gjitha), as rëndomësia e brekëve alla ushtarçe me një vrimë nga pas, por gjuha e tij ordinere në komunikim me 20-vjeçaren, që padyshim është pasqyrim i një formimi të ulët e karakteri pervers mbi të gjitha.
Sakaq, as në të dukshmen e tij, Shukri Xhelili nuk ka përfaqsuar një vlerë të veçantë si person, apo atribute, për të cilat i duhej besuar drejtimi i një qyteti.
Në jetën publike të një qyteti si Peshkopia, Shukri Xhelili nuk i ka përkitur kurrë atij kualiteti njerëzor, nga i cili një ditë mundej të merrte në dorë fatet e qytetit.
Ndërsa tani, afirmacion i karakterit të tij po është dhe mënyra se si po reagon. Afërmendsh, do ishte dashur që ai të bënte një letër publike, ku ndjesa ndaj çdokujt në këtë shoqëri të ishte kryefjalë e saj; dhe ku proçkën që ka bërë, që për më tepër nuk është as e vetmja, ta klasifikonte si një dobësi njerëzore të cilën nuk ka mundur ta sfidojë tek vetja, derisa e sfidoi ajo.
Ndërsa ai ka zgjedhur ta transferojë tek maskarallëku politik atij që i ka ndodhur, për ta zhvendosur nga ai erotik. Pra, vijon ta bëjë atë punë, pa asnjë vraje ndërgjegje, veç dhimbjes së natyrshme për humbjen e atij “Edeni” pushteti që i jepte më shumë hapësira dhe mundësi për ta ushtruar sportin e tij pervers, kësaj radhe me opinionin publik. Si? Duke i thënë “ma kanë futur…politikisht!”
Ok, politikisht ta kanë futur, por je apo nuk je ti atë në video?! Vetëm për kaq do ja vlente të hapje gojë. Ndryshe, po tenton që t’ja fusësh tani edhe opinionit! /tesheshi.com/
