Administrata e vendore e Shëngjinit dhe nxënësit e shkollave, janë berë pjesë e fushates ndërgjegjësuese për mbajtjen pastër të zonës bregdetare, duke larguar edhe ato pak mbetje të krijuara nga baticat e detit.
“Edhe pse mbeturinat në bregdet dhe në qytetin e Shëngjinit janë të pakta si pasojë e ndërhyrjeve të vazhdueshme që kjo njësi administrative ka ndërmarrë kohët e fundit, sensibilizimi i banorëve, vizitorëve dhe turistëve është i nevojshëm”, ka deklaruar kreu i kësaj njësie, Tonin Uldedaj.
Sipas tij, zonat turistike kanë nevojë të jenë te pastra, ndaj kjo njësi administrative do të vijojë me këtë intensitet edhe jashtë sezonit turistik të verës.
“Aksioni i sotëm ishte thjesht një sensibilizim. Gjatë kësaj periudhe duam që të tregojmë se ambienti duhet të mirëmbahet në çdo kohë, kjo duke ju referuar faktit se jemi një zonë turistike dhe pastërtia duhet të jetë pra në çdo perudhe të vitit. Unë do t’i garantoj të gjitha ata që vizitojnë Shëngjinin se pastrimi nuk do të jetë vetëm në sezonin turistik por në 12 muajt e vitit. Nga ana jonë pastrohet e gjithë zona çdo ditë dhe çdokush që do të vizitojë Shëngjinin edhe në këtë periudhe, do të relaksohet nga ajo që ju ofrohet”, u shpreh administratori i Shëngjinit, Tonin Uldedaj. /tesheshi.com/
