Kryeministri Rama kritikoi dhe njëherë lidershipin kosovar për qasjen refuzuese ndaj Shengenit rajonal, duke i kujtuar se para tij, me Beogradin janë ulur më parë ata
“Të gjithë patriotëve në Facebook që ëjnë sikur kanë rënë nga qielli, ka të paktën 5 vjet që janë në tryezë me Serbinë dhe në gjithë formatete në Berlin në Londër në Sarajevë dhe duket sikur është hera e parë që bëhet një takim për ata që udhëheqësit e Kosovës kanë rënë dakort. Kanë ngrënë e kanë pirë në darka e dreka pune dhe kanë bërë shumë mirë. Kjo nuk do të thotë se kanë hequr dorë nga pavarësia. Kjo do të thotë që jetojnë në një botë të ndërlidhur. Kosova është pjellë e luftës me bomba e SHBA dhe të shumë vendeve të BE ndërkohë që BE dhe SHBA, ishin në tryezë Kosova mungon”, tha Rama, duke shfrytëzuar faktin që në takimin e Tiranës pati dhe prani ndërkombëtare.
Madje aty u pohua dhe mbështetja financiare për këtë projekt nga ana e Perëndimit.
Nga ana tjetër, Haradinaj sulmoi dhe më fort nismën, që, paçka se po konfirmohet mbështetja ndërkombëtare, refuzimi mbrohet në emër të integrimit.
“Të gjitha vendet e Ballkanjt Perëndimor, pra 6 që ka mbetur pa u anëtarësuar në BE, ne kemi marrëdhënie kontraktuale me BE-në. Pra, secili vend ka kontratë me BE-në, Kosova e ka MSA-në dhe ne duhet me iu fokusua MSA-së. Pra, nuk kemi nevojë për një mini-shengen me kryeqytet Serbinë ose lider Serbinë të mini-Shengenit tonë”, tha kryeminsitri në ikje i Kosovës. /tesheshi.com/
