Mbreti i Arabisë Saudite, Salman bin Abdulaziz do t’i nënshtrohet testeve mjekësore sot për shkak të një “ethe të lartë dhe dhimbje në kyçe”, njoftoi agjencia shtetërore e lajmeve SPA.
Testet do të zhvillohen në klinikën mbretërore në Pallatin Al Salam në Jeddah. Mbreti 88-vjeçar u shtrua për herë të fundit në spital në prill për një kontroll rutinë, raportoi televizioni shtetëror në atë kohë.
Mbreti Salman, kujdestari i vendeve më të shenjta të Islamit, u ngjit në fronin e eksportuesit kryesor të naftës në botë në vitin 2015, pasi shërbeu si princ i kurorës dhe zëvendëskryeministër për më shumë se dy vjet e gjysmë.
Salman bin Abdulaziz al Saud është mbreti aktual i Arabisë Saudite që nga janari i vitit 2015. Ai ka qenë gjithashtu Ministër i Mbrojtjes që nga viti 2011 dhe ka shërbyer si Guvernator i Provincës së Riadit nga viti 1963 deri në vitin 2011. Hipja e tij në fron u bë më 23 janar 2015 kur vdiq Mbreti Abdullah, gjysmëvëllai i Salmanit.
Menjëherë pas marrjes së detyrës, mbreti i ri emëroi Princin Muqrin si pasardhës të tij dhe Ministri i Brendshëm Princi Mohammed bin Nayef e emëroi atë të tretin në radhën e fronit. Në qershor 2017, pasi vendosi të largonte Mohammed bin Nayefin nga të gjitha postet që mbante, ai emëroi djalin e tij Mohammed bin Salman si trashëgimtar të fronit. /tesheshi.com/
