Autoritetet spitalore në Prishtinë raportuan mbi gjendjen e atyre zyrtarëve të KQZ-së, të cilët u ndjenë keq gjatë numërimit të votave serbe të ardhura me zarf, duke patur një gjendje alergjike.
“Në Klinikën Infektive për momentin janë të spitalizuar 11 pacientë, prej tyre 9 femra dhe 2 meshkuj. Gjendja shëndetësore pas ekzaminimeve që iu janë bërë sot është stabile, për momentin jemi duke pritur rezultatet e mostrave që janë marrë”, tha drejtoresha e Klinikës Infektive në QKUK, Lindita Ajazaj-Berisha, duke shpjeguar dhe simptomat me të cilat erdhën.
“…disa prej tyre kanë pasur mundim, vjellje, ndryshime në lëkurë në formë të skuqjes dhe kruarjes së lëkurës, disa prej tyre në formë të një dermatit, disa kanë thënë se kanë pasur edhe probleme në frymëmarrje, të dhëna tjera nuk kemi”, ka theksuar ajo.
Sa për “pse”-në e gjithë kësaj, Ajazaj-Berisha tha se duhet pritur dhe pak. /tesheshi.com/
