Corona po provokon tjetër krizë në lidershipin kosovar. Vendimet e fundit të qeverisë “Kurti” mbi disa kufizime, shumë më pak se Shqipëria që i ka në kufijtë e drastikes, janë gjykuar si anti-kushtetuese. Mes shumë zërave kontestues është vetë presidenti Thaçi, i cili në një deklaratë për media tha se do i drejtohej Gjykatës Kushtetuese për këtë.
“Ju informoj se duke marrë parasysh rrethanat e reja të krijuara pas vendimit të Qeverisë së Kosovës – vendim antikushtetues – si president i vendit, duke respektuar në tërësi kompetencat kushtetuese dhe ligjore, kam vendosur që t’i drejtohem Gjykatës Kushtetuese me kërkesë për interpretim të çështjes së përputhshmërisë së vendimit të Qeverisës së Kosovës me Kushtetutën e Kosovës lidhur me kufizimin e të drejtave dhe lirive themelore që mbrohen me Kushtetutë”, tha Thaçi.
Edhe pse përdori kredon “shëndeti mbi të gjitha”, Thaçi tha se dhe ligji është mbi të gjitha.
“Askush nuk qëndron mbi ligjin. Askush nuk ka të drejtë të shkelë Kushtetutën dhe ligjet për asnjë agjendë politike”, u shpreh kreu i shtetit të Kosovës. /tesheshi.com/
