Shëndet/Gjendet proteina “magjike” që rrallon sklerozën e shumëfishtë

Lajme të reja dhe shumë të mira vijnë për të gjithë pacientët e sëmurë dhe që vuajnë nga skleroza e shumëfishtë. Kjo risi nuk sjell shërimin e plotë të pacientit, por rrallimin e sëmundjes dhe frenon avancimin e saj.

Për të gjithë ata që nuk e dinë se çfarë është skleroza e shumëfishtë, po ju informojmë se bëhet fjalë për një sëmundje kronike autoimune, e cila godet sistemin nervor qendror dhe shkakton fshirjen e kujtesës përkohësisht ose për një kohë shumë të gjatë.

Për fat të keq, kjo sëmundje godet qelizat nervore, duke e bërë më të vështirë komunikimin mes trurit të mesëm dhe palcës kurrizore.

Pra, siç e thamë, bëhet fjalë për një sëmundje e cila degjeneron deri në çrregullimin total të aftësive fizike dhe konjitive.

Por sot, falë një studimi të bërë nga fondacioni Santa Lucia, të gjithë të prekurit nga skleroza e shumëfishtë, mund të shpresojnë në përmirësimin e gjendjes së tyre dhe frenimin e sëmundjes.

Studimi tregon për rëndësinë e një proteine të njohur si Il-9, e cila ndihmon në frenimin e progresit të sëmundjes. Kjo proteinë prodhohet nga disa qeliza specifike të sistemit imunitar dhe më konkretisht nga limfocitet Th9 dhe ndikon në mënyrë të menjëhershme tek qelizat e tjera, të cilat bëhen shkaktare për krijimin e kësaj sëmundjeje.

“Kemi analizuar prezencën e IL-9 në lëngun e lëngshëm të trurit tek 107 pacientë. Kemi vëzhguar ndikimin e kësaj proteine tek njerëzit dhe më konkretisht në trurin e tyre, për rreth 4 vite me radhë, ku kemi vënë re se sa më e madhe është prezenca e kësaj proteine në organizëm, aq më shumë ngadalëson sëmundja”,- ka thënë Elisapetta Volpe, përgjegjëse për këtë projekt kërkimor./tesheshi.com/