Këshilli i Ministrave mori vendim për pezullimin e të gjitha prokurimeve publike për vitin 2017, por sektori i Shëndetësisë duket se është përjashtuar nga ky “moratorium” pasi vetëm këtë muaj ka shpallur 52 procedura tenderimi me vlerë 79 milionë lekë të reja.
Shëndetësia është sektori ku emergjencat nuk e bëjnë të mundur zbatimin e VKM-së për pezullimin e prokurimeve.
Bëhet fjalë për tendera për blerje ilaçesh të ndryshme dhe blerje materialesh të tjera mjekësore.
Procedurat janë shpallur nga 9 institucione të ndryshme të këtij sektori duke nisur nga Qendra Spitalore Universitare “Nënë Tereza”, spitali rajonal Fier dhe spitale të tjera.
Fondi limit i përcakuar nga buxheti i shtetit është 79,128,797 lekë të reja.
Tenderat janë shpallur në dy javët e fundit dhe të dhënat gjenden në portalin Open Data Albania./tesheshi.com/
