Aktori legjendar francez, Alain Delon, ka pësoi një goditje në tru disa javë më parë dhe aktualisht po pushon në Zvicër. Lajmi u konfirmua nga djali i tij i madh, Anthony Delon.
Ai tha që funksionet e tij jetësore ishin të mira dhe se mjekët konfirmuan qëndrueshmërinë e tij. Aktori simbol i kinemasë franceze me kulmet e tij gjatë viteve ’70-’80, në maj u nderua me “Flakën e Artë” në Festivalin e Filmit në Kanë.
Djali i tij gjithashtu vuri në dukje se Delon i ishte nënshtruar një operacioni në Paris dhe kishte qëndruar në kujdes intensiv për tre javë.
“E gjithë familja ishte me të, vëllai im, motra ime dhe nëna ime Nathalie”, tha Anthony, duke shtuar se babai i tij më pas shkoi në Zvicër për të pushuar në një klinikë private.
Kohët e fundit është përfolur se aktori ka vuajtur nga një goditje në tru, por familja e tij nuk ka dashur ta konfirmojë atë, duke u mjaftuar të thotë se ai ishte në spital për dhimbje koke dhe marramendje.
Shikuesi shqiptar, ai i para 30-40 viteve, e njeh Alain Delon si Gino Strabliggi-n, personazhin e famshëm të “Dy njerëz të një qyteti”, me shprehjen e tij epike para ekzekutimit: “Drejtësia duhet të jetë e drejtë para se të jetë e ashpër!”. /tesheshi.com/
