Albin Kurti ka përcjellë entuziazëm nga fakti që me 14 shkurt Kosova do shkojë sërish në zgjedhje, duke besuar se do jetë ai fituesi, e kësisoj do kthehet sërish në krye të qeverisjes.
Pas Kushtetuesja rrëzoi vlevshmërinë e kabinetit “Hoti” për shkak të një vote, e kjo pasi padisë së VV, Kurti është ndjerë triumfator.
“Pas shtatë muajve na u dëshmua ajo që dihej nga fillimi. Zgjedhja e qeverisë koti ka qenë kot. Zgjedhje e paligjshme, jokushtetuese.
Kemi humbur shumë vite, jo vetëm muaj. Këto zgjedhje nuk janë të parakohshme por të vonuara. Mirëpo, këto zgjedhje janë referendum. Me 14 shkurt, politika e keqe ndodhet para gjyqit popullor”, shkruan Kurti.
Me këtë status, ai gati nis fushatën, pasi vijon:
“Punë e arsim, drejtësi e shëndetësi. Kaq duan qytetarët. Qeveria jonë e re do të jetë shërbim i mirë. Sepse qytetari është mbreti i republikës.
Me 14 shkurt, festën e zemrës e bëjmë edhe kremte të demokracisë”.
Kujtojmë se Albin Kurti u rrëzua pas një qeverisjeje disajavore në pranverë, pas prishjes me partnerin në koalicion LDK-në. Por siç është nuhatur, rrëzimi qe me prapavijë amerikane. /tesheshi.com/
