Siç njofton portali kroat 24sata.hr, në Paris janë takuar grupet e tifozëve kroat dhe ata turq duke brohoritur nga të dyja anët. Për një moment, kur të gjithë kanë pritur se e gjithë situata do të shpërthejë ngjashëm si në Marseille apo Nic, tifozët kroat përnjëherë kanë kaluar rrugën, ndërsa turqit i kanë pritur duke duartrokitur.
Takimi Turqi-Kroaci në “Parkun e princërve” do të jetë përballja e tretë në mes të këtyre dy reprezentacioneve në kampionatet evropiane.
Herën e parë janë takuar në vitin 1996 në raundin e parë të grupit D, kur Kroacia ka triumfuar me 1:0, kurse herën e dytë ndeshur në vitin 2008 në çerekfinale, kur pas vazhdimeve dramatike të lojës, Turqia është plasuar më tutje.
Shembulli i tifozëve kroatë dhe turq në rrugët e Parisit përçon mesazh të mirë gjithë tifozëve tjerë në këtë kampionat, por edhe gjithë tifozëve tjerë kudo në botë.
Për një moment, kur tifozët kroat kanë qenë duke brohoritur, tifozët turq kanë heshtur. Pastaj, tifozët turq kanë filluar të këndojnë, ndërsa tifozët kroatë kanë dëgjuar të qetë. /tesheshi.com/
