Nigeria po përjeton këto orë tragjedinë e radhës nga një ndërtesë e shkatërruar, në të cilën gjendej një shkollë me 100 fëmijë.
10 prej tyre rezultojnë të vdekur, ndërkohë që vijon kërkimi për 40 të tjerë.
Ngjarja ndodhi në një lagje të vjetër e tejet të dendur të kryeqytetit Lagos, e njohur për arkitekturën e tipit afro-brazilian, ku herë pas here rinovohet, por që shumë ndërtesa janë braktisur apo nuk janë më në përdorim.
Vetë godina e cila u shemb, një ngrehinë 4-katëshe ku në të fundit ndodhej shkolla, ishte cilësuar si “me rrezik” dhe ishte në listën e prishjes.
Në vitin 2016, më shumë se 100 vetë vdiqën kur një kishë u rrëzua në jug.
Në të njëjtin vit në Lagos, një ndërtesë me pesë kate u rrëzua duke vrarë të paktën 30 vetë. /tesheshi.com/
