Kisha Ortodokse në Dhërmi u shemb në orët e para të mëngjesit për të parandaluar një rezistencë të mundshme nga banorët e zonës.
Këta të fundit kishin paralajmëruar se do ta mbronin kishën.
Zëdhënësi i Kishës, Thoma Dhima, tha se ky është një akt vandal i shtetit kundër komunitetit ortodoks.
Kryeministri Rama kishte konfirmuar një ditë më parë me anë të një postimi në Facebook shembjen e kishës, duke shkruar se “Kisha e vjetër e Dhërmiut, që do të rilindë në emër të trashëgimisë kombëtare, dhe garazhi pa leje që e quajnë kishë”.
I menjëhershëm ka qenë reagimi i kryetarit të partisë Demokratike, Lulzim Basha i cili dënoi ashpërsisht” atë që e quajti “dhunë të Edi Ramës ndaj objektit të kultit në Dhërmi”.
“Në errësirë, pa transparencë, pabesisht, Edi Rama shembi me forcën e INUK-ut atë që konsiderohet nga komuniteti i Dhërmiut si objekt kulti. Zgjidhja e pretendimeve duhej të vinte vetëm përmes bisedimit, përmes dëgjimit të banorëve dhe angazhimit bashkë me ta për të marrë hapat e duhur me respekt të plotë ndaj vlerave dhe të vërtetave historike, por edhe ndjeshmërive reale të banorëve dhe besimtarëve të Dhërmiut e të gjithë Shqipërisë”, shkruan Basha. /tesheshi.com/
