Kandidati i PD-së për kryetar të bashkisë së Dibrës, Sherefedin Shehu u tha banorëve të Zall Dardhës në një takim elektoral, se kishte premtimin e kreut demokrat, Lulzim Basha për ndërtimin e rrugës së Arbrit. Sipas tij, prioritet i kryeministrit nuk janë investimet e për Dibrën por punët që sjellin të ardhura për të dhe miqtë e tij.
“Lulzim Basha kur ma ngarkoi këtë detyrë tha: Ne të dy do të bëjmë Rrugën e Arbërit”, u shpreh Shehu, ndërsa projekti është shndërruar në pikë të debatit politik për zgjedhjet lokale në Dibër që kur LSI kërkoi ndërtimin e rrugës së premtuar nga qeveri të majta e të djathta.
Shehu është përqëndruar në takimin e tij të fundit tek turizmi. “Flas për rrugën që shkon në Reçë, rrugën që shkon në Lurë, rrugën që shkon në Bjeshkët e Korabit, rrugën që shkon në Bjeshkët e Bellovës dhe të Radishtit. Zgjidhja më e madhe do të jetë Rruga e Arbërit”, tha ai. /tesheshi.com/
