Imami i madh i Al-Azharit, Sheikh Ahmed al-Tayeb, u dërgoi një mesazh liderëve arabë përpara një samiti të jashtëzakonshëm arab në kryeqytetin egjiptian Kajro dhe në të cilin tema kryesore do të jetë e ardhmja e Gazës dhe popullit palestinez. Samiti arab të martën synon të formulojë një qëndrim të unifikuar arab për çështjen palestineze dhe të paraqesë një kundërpropozim arab ndaj planeve të SHBA-së për të zhvendosur popullsinë e Gazës.
Sheikh Al-Tayeb shkroi në llogarinë e tij në platformën “X” herët këtë mëngjes: “I lutemi Zotit t’u japë sukses liderëve arabë të mbledhur në samitin arab që po mbahet në Kajro. Ne u bëjmë thirrje atyre që të solidarizohen dhe të dalin me një qëndrim të unifikuar për t’u përballur me planet e papranueshme për të dëbuar me forcë palestinezët nga toka e tyre, për të aktivizuar propozimin arab për rindërtimin e Gazës dhe për t’i dhënë fund arrogancës dhe kaosit të prodhuar nga disa vendimmarrës që mbështesin regjimin pushtues”.
Muajin e kaluar, presidenti i SHBA-së, Donald Trump, propozoi “marrjen” nën kontroll të Gazës dhe zhvendosjen e popullsisë së saj për ta shndërruar atë në një destinacion turistik, një ide që bota arabe dhe shumë vende të tjera e kanë kundërshtuar me forcë, duke thënë se kjo përbën spastrim etnik.
Më shumë se 48,300 palestinezë janë vrarë, kryesisht gra dhe fëmijë, dhe më shumë se 111,000 janë plagosur në luftën brutale të Izraelit në Gaza që nga tetori i vitit 2023. /tesheshi.com/
