Për Agron Shehajn, tashmë kandidat për kreun e PD-së, Basha duhej të dorëhiqej pas humbjes më 25 prill.
“Kur nuk fiton mban përgjegjësi. Çdo herë që një lider humbet zgjedhjet duhet të japë dorëheqjen. Këtë do ta vendos në statut nëse zgjidhem kryetar.
Ne duhet të punojmë, ajo që na takon sot është të forcojmë PD. S’mund të forcojmë besimin e qytetarëve nëse nuk forcojmë PD”, tha vlonjati që befasoi me numrin e votave të marra më 25 prill.
Ai shmangu cilësimin masakër elektorale nga ana e Bashës, duke e zëvëndësuar me “parregullsi”
“Ne s”jemi në pushtet, nuk arritëm të shkonim në pushtet. Ka patur parregullsi, por ky është fakt”, theksoi Shehaj. /tesheshi.com/
