Bashkimi Evropian, edhe një herë përmes shefes së saj në Prishtinë, Natalia Apostolova i ka bërë thirrje politikës kosovare të ratifikojë Demarkacionin me Malin e Zi.
“Nuk duhet ta humbni këtë rast nesër, mos e humbni rastin për miratim. Vizita e zyrtarëve të BE-së është një mundësi shumë e mirë”, tha Apostolova në një konferencë të përbashkët me Kadri Veselin pas takimit që zhvilloi me të.
Ajo më tej tha se ratifikimi i Demarkacionit është një hap i rëndësishëm drejt liberalizmit të vizave.
“Ratifikimi do të jetë një hap i rëndësishëm drejt liberalizimit të vizave. Kosova duhet ta vazhdojë luftën kundër korrupsionit dhe krimit të organizuar.Mirëpo ratifkimi na ofron sa më afër liberalizimit. Deputetët duhet të mendojnë për qytetarët e Kosovës dhe Kosovën në BE”, tha Apostolova.
Kurse kryekuvendari Veseli ka shprehur bindjen se nesër Kuvendi do t’i thotë “Po” Demarkacionit.
“Kosova ka qëndrim shumë të qartë, është e orientuar në Bashkimin Evropian 100%, dhe ka raporte të përjetshme me SHBA-të, duhet të jeni të sigurtë që do të përmbushim çdo kriter që del nga BE-ja. Liberlizimi i vizave duhet të ndodhë, në të njëjtën kohë do të votohet edhe Demarkacioni. Kosova dhe qytetarët kanë nevojë për liberlizimin e vizave, dhe ne nesër do ta sjellim këtë lajm të mirë me votimin e Demarkacionit, presim nga vendet e BE-së që të ndihmojnë Kosovën në rrugën drejt Bashkimit Evropian, kemi bërë shumë për të arritur konsensusin e përbashkët deri këtu” tha Veseli. /tesheshi.com/
