Bredhja e deputetëve nëpër fushatë zgjedhore dhe mos thirrja e seanca plenare ka acaruar jo pak shefen e zyrës së BE-së në Kosovë, Natalia Apostolova, e cila është shprehur e shqetësuar për numrin e pakët të seancave të mbajtura.
“Jemi të brengosur që parlamenti ka pasur një apo dy seanca. Ne kemi ligjet që janë gati që duhet dërguar në parlament për t’u votuar. Disa nga ligjet janë kruciale për reforma ekonomike”, ka deklaruar ajo në takimin që zhvilloi të martën me përfaqësuesit e AAK-së.
Pavarësisht kësaj thirrjeje, Kuvendi nuk pritet të mblidhet të paktën brenda kësaj jave, pasi nuk ka një që nuk është mbledhur Kryesia e cila vendos për mbajtjen e seancave dhe kjo gjë bëhet edhe më pak e besueshme kur dihet se zgjedhjet lokale mbahen këtë të dielë dhe partitë krejt arsenalin janë duke e shprazur aty. /tesheshi.com/
