Ndër vendet e shqetësuara nga zgjedhja e Donald Trump-it si president i SHBA-së është Meksika, posaçërisht për vendin që pati zënë gjatë fushatës elektorale së kandidatit republikan.
Mes premtimeve të Trump-it ka qenë dhe ndërtimi i një muri në kufirin midis dy vendeve, që, sipas tij, do të paguhej madje nga meksikanët.
Dhe me zgjedhjen e tij president ka ardhur dhe reagimi i parë nga ministrja e Jashtme e Meksikës, e cila ka ripërsëritur qëndrimin e vendit të saj se nuk do të paguajë për ndërtimin e një muri përgjatë kufirit me SHBA-në.
“Pagimi për një mur nuk është pjesë e vizionit tonë,” i ka pohuar Claudia Ruiz Massieu një televizioni lokal një ditë më parë, pasi u mësua për fitoren e Trump-it.
Veçse ajo pranoi se qeveria meksikane e kishte ruajtur komunikimin me ekipin e fushatës së Trump-it që prej vizitës së tij në gusht në Meksikë.
Ndërkaq, shumë i zbutur ka qenë presidenti meksikan, Pena Nieto, në reagimin e tij të parë, duke thënë se ishte gati të punonte me Trump-in për përmirësimin e marrëdhënieve dypalëshe. /tesheshi.com/
