Në një telekonferencë për një takim në Stamboll mbi investimet, kryeministri i Turqisë e ka paraqitur të shëndoshë situatën ekonomike në vend pas përpjekjes për grusht shteti.
Ai ka përsëritur se ngjarjet e 15 korrikut nuk e kanë goditur ekonominë turke, e se sektorët bankarë dhe financiarë po funksionojnë siç duhet.
“Ata të cilët prisnin kaos dhe krizë janë gabuar edhe një herë tjetër,” u ka thënë pjesëmarrësve nëpërmjet ekranit Binali Jëlldërëm.
Një sërë shifrash janë vënë në pah prej tij, si shenjë e një ekonomie të qëndrueshme dhe në rritje. Me fjalët e shefit të qeverisë turke, Turqia ka një vëllim të jashtëm tregtar prej mbi 350 miliardë dollarësh, ndërsa deficiti i jashtëm tregtar ka rënë me 25 për qind një vit më parë.
Po ashtu, rezervat e përgjithshme të vendit janë 121 miliardë dollarë, e buxheti i vitit 2016 është mbi atë të 130 vendeve.
“Një domosdoshmëri për zhvillimin ekonomik është stabiliteti demokratik. Mbrojtja e arritjeve ekonomike varet nga mbrojtja e arritjeve demokratike. Prandaj, ata që e sulmuan demokracinë e Turqisë, sulmuan në të njëjtën kohë bukën tonë. Ne të gjithë duhet ta mbajmë në mendje këtë fakt, e të jemi të vetëdisjhëm për çështjen,” e ka gjetur të nevojshme të theksojë kryeministri turk. /tesheshi.com/
